Songane treff deg framleis midt i hjarta. Og når du nynnar med, ser du smilet og barten til verdas mest sjarmerande sogning – Olav Stedje!

”Ta meg med”, ”Vi vandrar saman”, ”E-18”, ”Ein nordmann sin draum”, Du kjenner dei alle, og songane treff deg enno midt i hjarta kvar einaste gong du høyrer dei. Og når du nynnar med får du smilet og barten til Olav Stedje på netthinna – verdas mest sjarmerande sogning.

Etter 37 år med konsertar over heile Noreg, 13 album og fleire Spelemannsprisar, legg Olav Stedje og bandet hans ut på Vestlandsturne og 29. september stoppar han i Bergen og på Hordaland Teater i Logen.

Olav Stedje har hatt ein utruleg stayerevne. Og songgleda, kvaliteten og ærlegdomen er ikkje blitt mindre med åra. Han er audmjuk over eigen suksess og lar seg framleis glede seg over allsong og tårer når konsertpublikummet blir reve med.

Med ”Ta meg med” og alle dei andre flotte songane han er kjent for, kjem Olav Stedje og gitarist Svein Dag Hauge til Bergen Live Sessions for å glede både gamle og nye fans.